18 ліпеня 2019 года

 

На літаратурны вечар, прысвечаны 90-годдзю пісьменніка Васілія Шукшына чытачы бібліятэкі сабраліся ў літаратурнай гасцёўні 18 ліпеня. З дапамогай мультымедыйнай прэзентацыі прысутныя пазнаёміліся з біяграфіяй і творчасцю пісьменніка, узгадалі яго апавяданні, аповесці, паглядзелі ўрыўкі з мастацкіх кінафільмаў «Живёт такой парень», «Калина красная», дакументальны фільм абтворчасці Васілія Шукшына. На вечары прагучалі ўрыўкі з апавядання В. Шукшына «Миль пардон, мадам!», а таксама вершы і песні прысвечаныя знакамітаму пісьменніку.

26 ліпеня 2019 года

 

На базе Каралёўскай сельскай бібліятэкі адбыўся раённы семінар бібліятэчных работнікаў па тэме: “Фарміраванне культуры сямейных адносін на аснове праваслаўных традыцый”.

Бібліятэкар Каралёўскай сельскай бібліятэкі Наталля Голышава з’яўляецца рэгентам хора Азерскай царквы Святых апосталаў Пятра і Паўла, таму ўся асветніцкая работа па праваслаўнаму выхаванню дзяцей і дарослых вядзецца ў бібліятэцы на доўжным узроўні, а мерапрыемствы праваслаўнай тэматыкі праходзяць змястоўна, карысна і запамінальна.

Да ўдзелу ў семінары былі запрошаны зацікаўленыя асобы: Сасіновіч Алена Іванаўна, урач-тэрапеўт Азерскай амбулаторыі, Траццяк Ірына Віктараўна, спецыяліст ГА “Белая Русь”, Рабушка Наталля Уладзіміраўна, спецыяліст аддзела ідэалагічнай работы, культуры і па справах моладзі Уздзенскага РВК, Саявец Вольга Міхайлаўна, дырэктар Каралёўскага сельскага Дома культуры, Наталля Сямёнаўна Клімовіч, карэспандэнт раённай газеты “Чырвоная зорка”.

Для ўдзельнікаў семінара бібліятэкар арганізавала выставу дэкаратыўна-прыкладной творчасці “Рукам работа - сэрцу радасць”, дзе былі прадстаўлены вырабы З. Кручковай, майстра лозапляцення і карціны, вышытыя крыжыкам Н. Голышавай; правяла агляд-знаёмства з бібліятэкай, прадставіла этнаграфічны куток, падрыхтавала час духоўнай асветы “Дарога да храма – дарога дарог”. Гасцям было прапанавана ў гульнёвай форме прыгадаць беларускія прыказкі і прымаўкі праваслаўнай тэматыкі, расказаць аб сямейных традыцыях, якія пануюць у іх сем’ях.

Адбылася цікавая размова па тэме “Спакусы і хваробы стагоддзя” у фармаце круглага стала з урачом-тэрапеўтам Сасіновіч Аленай Іванаўнай, дзе былі прадстаўлены вынікі і факты бяздумных адносін да свайго здароўя і жыцця, прапаноўваліся парады па прафілактыцы хвароб.

Нязменным першым школьным падручнікам для кожнага застаецца буквар, з ім пачынаецца шлях да ведаў. Невыпадкова, адной са старонак семінара, была прадугледжана прэзентацыя-знаёмства факсімільнага выдання самага старажытнага беларускага Буквара (1618 г.), які выйшаў у свет да яго 400-гадовага юбілею.

Разглядаліся на сустрэчы ў форме непасрэднага дыялогу, давяральнай размовы, актуальныя пытанні выхавання падлеткаў, папярэджання правапарушэнняў сярод моладзі, дзяліліся з калегамі вопытам работы з дзецьмі, якія трапілі ў сацыяльна-небяспечнае становішча.

Дырэктар Дома культуры В. Саявец падрыхтавала конкурсную праграму, дзе сям’я Голышавых выдатна справіліся з усімі заданнямі і прадэманстравалі трывалыя сямейныя адносіны.   

Падводзячы вынікі сустрэчы, яго ўдзельнікі прыйшлі да высновы, што праваслаўная літаратура і традыцыі асвятляюць нашы душы, вядуць за сабой нязменным шляхам і спрыяюць духоўнаму росту чалавека.

31 ліпеня 2019 года

 

Прэзентацыя юбілейнага, дзясятага выпуску альманаха "Сфера притяжения", які выходзіць у горадзе-пабраціме Шатура, адбылася ў чытальнай зале бібліятэкі. Спачатку прысутныя віртуальна азнаёміліся з горадам Шатура, даведаліся пра грані супрацоўніцтва. Потым выступалі аўтары з літаратурнага аб'яднання "Нёманец", творы якіх былі змешчаны ў альманаху. Завяршылася сустрэча шчырымі радкамі песні "Как здорово, что все мы здесь сегодня собрались".